Categories: Qendrore

Rinumërimi i 90 përqind të vendvotimeve dëmton procesin zgjedhor

Rinumërimi i rreth 90 përqind të vendvotimeve në nivel të vendit, po shihet si aspekt negativ dhe që e dëmton të gjithë procesin zgjedhor. Kjo shënon njëherësh edhe numrin më të madh të vendvotimeve të rinumëruara në një proces zgjedhor.

Në zgjedhjet e 6 tetorit në nivel të vendit kanë qenë 2 mijë e 547 vendvotime, ku nga ky numër janë rinumëruar gjithsej 2 mijë e 269 vendvotime apo rreth 90 përqind e vendvotimeve.

Krahasuar me zgjedhjet e vitit 2019, në zgjedhjet parlamentare të vitit 2017 ishin rinumëruar 540 vendvotime, ndërsa në vitin 2014 ishin rinumëruar rreth 530 vendvotime.

Zëdhënësi i KQZ-së, Valmir Elezi, për KosovaPress ka bërë të ditur se numri i vendvotimeve që rinumërohen pas zgjedhjeve të 6 tetorit është 2 mijë e 269 vendvotime.

Elezi ka bërë të ditur se në zgjedhjet parlamentare të vitit 2017, janë rinumëruar 540 vendvotime, ndërsa në vitin 2014 janë rinumëruar 530 vendvotime.

Numri i madh i vendvotimeve të rinumëruara po shihet si aspekt negativ dhe që po e dëmton të gjithë procesin zgjedhor.

Profesori universitar Mazllum Baraliu, thotë se rinumërimi i rreth 90 përqind e vendvotimeve e vë në dyshim dhe e degradon procesin zgjedhor.

Baraliu thotë se zgjidhja më e mirë e kësaj problematike është që numërimi i votave të kandidatëve të bëhet në Qendrën e Numërimit dhe Rezultateve dhe jo në vendvotime.

Se rinumërimi i pothuajse të gjitha vendvotimeve e dëmton procesin zgjedhor e thotë edhe analisti politik Rasim Alija, sipas të cilit ky rinumërim ka bërë që qytetarët ta perceptojnë se procesi zgjedhor ka qenë i manipuluar.

Zvogëlimin e numrit të vendvotimeve që rinumërohen Alia e sheh si zgjidhje reformën zgjedhore. Ai thotë se reforma zgjedhore duhet ta shtyjë idenë e numërimit të dyfishtë.

Kujtojmë se mbrëmë ka filluar procesi i rinumërimit të 1 mijë e 428 vendvotimeve pas vendimit që ka marrë Paneli për Ankesa dhe Prapashtesa.

Redaksia

Recent Posts

Skenderaj/ETC dhe Komuna u bëjnë bisht fjalëve! (Dokument)

Ende pa nisur ndërtimi i Qendrës tregtare ETC në Skenderaj, ku kjo e fundit i…

7 hours ago

Skenderaj/Aksident i rëndë trafiku në magjistralen Skenderaj-Mitrovicë

Një aksident trafiku ka ndodhur të martën në mesditë, ku janë përfshirë një motoçikletë dhe…

11 hours ago

Skenderaj, kjo është lista e 18 mësimdhënësve të rinjë që u pranuan (DOKUMENT)

Drejtoria Komunale e Arsimit në Skenderaj ka shpallur rezultatet për plotsëimin e vëndeve të lira…

1 day ago

Publikohet dokumenti i plotë i përbashkët i Kosovës dhe SHBA-së

Sot në Prishtinë është arritur një marrvëeshje në mes të Kosovës dhe SHBA-ve. Kosova dhe…

1 day ago

Ndodh veç në Kosovë/ 2 policë kapen duke vjedhur shtalba tek Liqeni

Sot gjatë ditës, dy zyrtarë policorë janë kapur teksa vjedhin misër në një arë afër…

1 day ago

Fifi një super-femër pas dobësimit, ‘çmend’ me pamjen e fundit

Ndonëse në moshë të re Fifi u bë një kantautore shumë e suksesshme, shkruan ORAinfo.…

1 day ago